近年政府委任人才加入諮詢架構，被認定係富二三代俱樂部嘅菁英會都係人才庫之一，八方聽聞，隨住政府大搞青年政策，菁英會受重視程度亦大增，好似佢哋建議政府成立青年創業基金，政府亦有聽意見，施政報告喺呢方面會有好消息。
而喺咁受政府重視嘅一年，菁英會約喺7月換屆咯。現為常務副主席嘅盧金榮（圖），如無意外接替梁宏正做主席。盧金榮係全國政協委員盧文端嘅囝囝；梁宏正老竇則係立法會議員兼全國政協委員梁君彥嘅公子。前者係福建省政協委員，後者亦係北京市政協，似乎做得菁英會主席，少啲背景同紅色公職都唔得喎。而喺換屆前，據知菁英會專搞好5月中舉行嘅「博鰲青年論壇」，呢個論壇舊年因為佔領運動而延至今年先舉行。盧金榮話會爭取會員支持同認同。