聲音與叮噹已融為一體的資深配音員林保全於上周五（2日）猝逝，終年63歲。昨日無綫播出了保全叔生前接受《今日VIP》最後一個訪問。保全叔以「各位你哋好呀，我係多啦A夢呀！」作為開場白，提到當年找他為叮噹配上廣東話對白，他說：「監製覺得我把聲比較接近原聲，而日本係用女人聲配，我配嗰時用比較尖嘅聲去配。」原來保全叔配了五、六年左右，才愛上這隻機械貓，他笑說：「越配越鍾意，鍾意佢幫助大雄。」追問機械貓有否一些鮮為人知的事，他說：「個結局啦，大雄有自閉症，最後冇配到，可能未買到返嚟。結局係咁樣都幾難過，自己都好唔開心。」除了叮噹外，《鐵齒銅牙紀曉嵐》的和珅亦是保全叔最喜愛的角色之一。
在配音界堅守30多年的保全叔，女兒林芷筠亦受影響加入了配音行業，兩父女經常一同上班兼研究配音的問題，對後輩的忠告，他說：「自己喺屋企要多練習，讀多啲報紙，自己錄咗嚟聽番有冇懶音，有冇講嘢唔清楚！」他還說：「我自己喺廠都有練習，盡量用中氣嗌出嚟，越配得耐，越易揣摩角色。」芷菁昨日亦有在微博留言：「整個訪問過程還是非常快樂的，因為只要看到他的樣子和聽到他的聲音，就覺得叮噹就在身邊，很想把他抱入懷中。但願叮噹在隨意門後，好好幫我們照顧保全叔！」
女兒：佢好滿足
另一方面，保全叔的家人昨日在大埔定慧寺舉行法事，心情平靜的林太被問保全叔生前有否遺願？她說：「乜都冇講低，其實佢都好滿足呢個人生。」女兒林芷筠稍後亦駕車到達，問到心情方面，她說：「我哋OK喇，始終係爸爸嘅選擇，講真我哋冇諗到會有咁多迴響，可能爸爸都會覺得好意外，生前都唔知咁多人咁鍾意佢，我諗佢知道都會好開心。」至於紀念冊、死亡證及驗屍報告等詳情，她表示要問丈夫才知道。此外，有網民在網上將多啦A夢新電影的片段，與張敬軒的《青青常駐》製作成MV，看起來令人感慨萬千。
採訪：黃曉妍
攝影：陳順禎
