漫畫、電影中Iron Man又有錢又風流，女人圍住佢𠱁𠱁轉，被譽為真人版「Iron Man」、電動車Tesla嘅創辦人馬斯克（Elon Musk），感情生活亦十分豐富，上星期宣佈，同第二任妻子英國演員Talulah Riley第二度離婚，今次已經係佢本人第三次離異，前後一共畀咗2,600萬美元（約2億港元）現金掟煲費，仲未計其他雜項使費，一夜夫妻點止百二蚊。
Musk同首任妻子育有5名子女，離婚時妻子自爆Musk畀咗600萬美金現金佢，仲未計大屋、佢名下嘅Tesla同SpaceX股份，仲有一部電動車！
至於又離又合嘅嫩妻Riley，市傳第一次同Musk離婚時，得到420萬美金，離婚一年半後復合，今次再離婚，掟煲費勁升4倍。三次離婚夾埋總共花去2,600萬美金，對身家83億美金嘅Musk嚟講，應該唔成問題。