【本報訊】本港零食市場無論是以種類還是銷售來說，近年都在快速增長。政府統計處數據顯示，今年1月份至11月份反映零食銷售在內的「麵包、糕餅、糖果及餅乾」類別生意，按年升11.3%，跑贏整體零售市場0.2%的升幅。
預料市場增長放慢
儘管零食生意有得做，但面對零食店如此「遍地開花」，有經營者的市場份額已開始被攤薄。作為業界龍頭、擁有逾220間分店的759阿信屋，老闆林偉駿坦言感受到威脅，指生意確實受影響：「有時我都真係唔敢睇（市況），會越睇越驚。」他表示，由於經營零食「水貨」生意，最重要是具有足夠規模，故預期其他經營者日後都會開舖「開到盡」，以獲取更佳效益。
「如果你得幾間舖，邊個會肯用貨櫃供貨畀你？香港租金又貴，長遠想做落去，一定係要繼續開舖，起碼個個都開到有十幾二十間，先叫做得住。」林偉駿如此說。他形容，競爭急增已令這市場變成一盤「靜止咗嘅水」，阿信屋亦不能如以往般「長驅直進地開舖」，發展步伐不再輕快。
林偉駿相信，未來零食市場增長將會放慢，「我今個財政年度差唔多做20億生意，賣零食賣20億喎！你話呢個規模仲可以增長幾多？一定會放慢。所以要做多啲其他食品、化妝品、日用品咁，要多元化」。
一田：努力搵新貨
雖然競爭劇烈，但林偉駿仍然相信長遠而言，這對市場發展來說是利多於弊：「唔係虛偽，我真心希望佢哋（競爭者）成功，再做大啲。因為靠我一個人係做唔到，要大家一齊，先可以打破𠵱家俾兩大超市壟斷的局面，搶返個市場返嚟，令個餅越做越大。」
多銷售日貨的一田百貨市務部總經理謝素嫻同意，市場多競爭、百花齊放，才可「做大個餅」：「有競爭係好事嚟！我們咪繼續努力搵多啲新貨，增強自己吸引力。」謝素嫻稱，一田近月的零食銷售，仍按年錄得雙位數字的增長，相信市場現時仍屬良性競爭，不擔心影響銷售表現。
■記者吳綺慧