人民力量黨主席，前港姐袁彌明(Erica)上月27日出嫁，同林雨陽共偕連理，日前Erica喺fb放咗條片話:「所有祝福收到曬！送番條絕密片段比大家！」
條絕密片段應該係佢哋婚前拍低，當中林雨陽仲忘形露股演出，其實入面都只係一
啲夫妻間小情趣，唔知係咪喺佢哋嘅新居拍，兩個人喺梳化傾完話唔要過大禮同玩新郎之後，林雨陽就好自然咁伸隻手入屁股搲住入房，搞到Erica撒嬌話:「喂呀~快啲伸隻手出嚟，你個屁股我架~」之後仲打老公pat pat，所以話「撒嬌的女人最好命」丫嘛~
然後林雨陽同普通男士一樣，唔會注重搽啲咩喺自己身上，Erica見狀立即叫老公只可以用自己公司出品嘅lotion，乘機賣埋廣告，真係點都你唔服，之後兩個人仲有「床戲」，以為有咩香艷情節，一熄燈黑蚊蚊咩都睇唔到，原來林雨陽喺度放屁！