「壞孩子」巴洛迪利（圖）今季過檔利物浦後，場內無甚佳作，喺英超仲未有入波，有傳好快會被紅軍清洗，而國際米蘭主帥文仙尼就表示，會考慮將「契仔」帶返球隊。不過，巴神就似乎冇受呢啲傳聞影響，仲心情大靚㖭。呢位意大利箭頭日前就喺一間動物救援中心，領養咗兩隻白色嘅鬥牛犬，盡顯愛心一面。事後巴神梗係有將佢同愛犬嘅合照擺上網啦，見到兩隻狗仔望住新主人鬼咁開心，巴神真係要認真咁照顧佢哋呀。
巴神愛心爆棚原來有前科，有指佢上年9月曾經捐出一筆5位數字嘅款項，協助因大火燒毀嘅「曼徹斯特狗之家」進行重建工作；而熟識巴洛迪利嘅朋友都表示，巴神絕對係一個愛動物之人。
識睇，一定係睇足英台【英波Live】：
http://soccer.appledaily.com
http://bit.ly/engballlive