林保全於03年帶同女兒林芷筠接受新城主持陳小芝、李國能及何基佑的電台節目《聯Fan所》訪問，當時林保全提到其花名「威威」由來，他說：「其實係狗名嚟嘅，係我隻狗嘅名。」由70年代「叮噹」配到現在改名為「多啦A夢」，林保全說：「我都係鍾意叫叮噹多啲，叮噹法寶中，最鍾意係時光機，印象最深嘅係隨意門。」其間陳小芝考他對叮噹法寶的認識時，林保全笑說：「法寶真係太多，唔會記得所有法寶嘅用法。」至於為叮噹配音多年，覺得是包袱或是標誌？林保全說：「係標誌，唔係包袱，大家都由細聽到大。」他亦表示配卡通人物比真人較易，因為真人有感情，不過林保全表示為洪金寶配音無難度：「用番原聲就得，可能我同佢身形差唔多，配打戲時好易配，夠氣就得。」談到保持靚聲心得，林保全說：「唔好病就得。」