衞冕的阿仙奴周日出戰英足盃第3圈，迎戰另一支英超球隊侯城。兵工廠有基奧特及韋碧克兩名中鋒缺陣，中場傷兵又多，難以輪換，相信球員今場會有疲態，難以輕鬆贏波，所以博主隊小勝，捧阿仙奴[-1]「和局」。
這場是去屆英足盃決賽翻版，當時阿仙奴跟侯城在溫布萊球場激戰，法定時間踢成2:2，最後加時贏3:2捧盃。阿仙奴近年在主場踢英足盃的成績驕人，他們近10次在阿聯酋球場出戰英足盃取得9勝1負的佳績，贏過熱刺、阿士東維拉、利物浦及愛華頓等同級球隊，相信今仗有力贏波，但值得留意的是，這9場勝仗中，有超過一半的5場是僅以1球之差擊敗對手。
傷停多冇輪換空間
阿仙奴仍受傷兵及停賽問題影響，基奧特繼續坐波監，韋碧克亦有傷，加上普多斯基轉會，今仗或起用祖爾甘保踢正選。中場方面，艾朗藍斯、韋舒亞、阿迪達及奧斯爾養傷，輪換空間不大，估計辛迪卡索拉、阿歷斯山齊士及阿歷士張伯倫都難以有機會休息。阿仙奴近期氣勢一般，上仗作客修咸頓輸0:2。
侯城上場聯賽贏愛華頓2:0，似見回勇，史堤芬昆尼及侯度史東兩名中場大將停賽後復出，增加侯城與兵工廠周旋的籌碼。不過，他們亦受傷兵問題困擾，迪亞美、加斯頓拉美利斯及戴臣等主將今仗避戰。
文：咖喱
識睇，一定係睇足英台【英波Live】：
http://soccer.appledaily.com
http://bit.ly/engballlive