保皇派對雨傘運動的瘋狂打壓抹黑，激起唔少年輕人同高登巴打絲打憤怒，好多人諗住嚟緊嘅區議會選舉追擊建制派，有中西區地區人士聽聞，嚟緊有高登網民諗住向喺西營盤選嘅民建聯盧懿杏挑機，因為該選區範圍包括中聯辦，高登仔諗住打正將中聯辦踢出西環嘅旗號，要將中聯辦搬去堆填區等人迹罕至的範圍，希望「爭取」一班成日不滿中聯辦外示威者「太嘈」嘅街坊支持喎！據知係2012年有份發起五區公投嘅社民連成員黃永志，就會走去石塘咀，挑戰該區建制派議員陳財喜，就算未必贏到，都肯定搞到陳財喜好頭痕！八方睇今年年尾嘅區選，一班保皇派實會俾高登同社運人士搞到無覺好瞓。