【本報訊】前政務司司長陳方安生母校嘉諾撒聖心書院，今年起首度開放自行派位供全港女生報名，有南區非聖心直屬小學家長昨即與女兒前往交表。原本可獨享學額的聖心小學家長對開放競爭意見分歧，認同公開招生的家長指可讓女兒提早體驗現實世界需要競爭；不滿的家長指上月才知悉，打亂部署。
南區只有兩間英中，聖心書院撥出58個學額作自行派位，過往只接受兩所直屬聖心學校學生報讀。聖心另保留115個學位於統一派位階段取錄兩校學生，但僅及兩校學生人數43%。
直屬小學家長不滿
昨上午只有數名家長帶同女兒到聖心書院報名，其中居於香港仔的非聖心家長馬太表示，一直心儀該校，「喺南區要爭英文中學學位，機會率真係好微，所以一知道咗（公開招生）都好開心。」
聖心學校家長陳太交表時表示，11月才知道新安排，「OK啦，反正多啲競爭，咁我哋都唔差嘛」。但她其後又略有不滿稱：「今年先講，好影響我哋計劃，我哋諗住直升。有啲唔公平，要早講！等到我哋臨尾就嚟畢業先講，咁就唔好囉。」
另一家長鄧女士女兒讀私立部，她表示上月才知道新安排，但津校部則早在9月已經通知家長。她批評聖心的做法對在學學生不公平和不尊重，令家長無所適從，因此也報定其他中學。
不過，亦有聖心家長不反對公開招生，女兒讀聖心學校津校部的黎太表示：「佢（女兒）得又好，唔得又好，要慢慢接受呢個世界現實，生存既現實都係咁樣。」