傑志簽迪基亞……前隊友！即將出戰亞冠盃外圍賽嘅傑志噚日宣佈，簽入西班牙籍前鋒路比阿度（Borja Rubiato）。身高1米85嘅路比阿度，雖已年屆30歲，但佢08年效力馬德里體育會B隊期間，曾經同曼聯鋼門迪基亞做過隊友，去年轉投伊拉克球隊阿比爾，亦即領軍贏得亞協盃亞軍，來頭唔細。不過，傑志噚日公佈亞冠附嘅外援名單，就未有佢份，3個外援包括列斯奧、佐迪同巴倫古素，而亞援就係啱啱加盟嘅南韓中堅金泰敏。
除咗傑志外，流浪亦積極增兵，已簽約嘅巴西中鋒艾倫，噚日隨隊友賽大埔，即協助球隊以3:0贏波。流浪主帥張寶春大讚呢位森巴兵嘅柱躉式踢法，有助球隊進攻上有更多瓣數。 至於新加入教練團嘅甄力健（右）噚日履新，佢話自己目前最重要嘅任務，係幫助球隊改善後防漏洞。
識睇，一定係睇足英台【英波Live】：
http://soccer.appledaily.com
http://bit.ly/engballlive