後巷「佔路」風波，品茶小店登上港聞版，有律師唔做、回歸太平山街小社區「日入而息」的店主陳穆儀（Nana），無端成為新聞主角，「只係喺facebook吐吓苦水，無諗過咁大迴響」。這個寶島出生、香港成長，又在英、法兩地生活過的女子，千帆過盡，回到她又愛又感到嘆息的香港，直言四地之中，營役又忙碌的香港人，活得最辛苦。
愛茶愛到身光頸靚衝入街坊茶餐廳、纏着水吧阿叔拜師學沖絲襪奶茶；又為印度行山時遇上的地道奶茶，大為感動，Nana這個人，就是奇。三年前落戶太平山街的「Teakha茶．家」，蘇絲黃在她的專欄形容這裏的Scone（英國茶餅）全港no.1。周末，有獨立音樂人自發到門外的公共空間自彈自唱，觀眾之中，有手拿小店熱茶的客人，也有只來聽歌的街坊，人人席地而坐，氣氛自由。
爭取公共空間
只是，這個秘密花園，卻因屢被投訴佔用行人路，遭食環署檢控，面臨停業一星期，「係好氣憤，之前發起簽名行動，但說佔領，就有點言重，我只係呼籲市民帶坐墊到現場享用公共空間，爭取應有權利」。長髮飄逸，說話陰聲細氣，Nana有齊寶島女生特徵，對於有人批評她佔路只為多做生意，小妮子很委屈。「後巷已有告示，寫明係公共空間，任何人都可以用。」她申冤。
「之前諗過喺台灣開，但喺香港做同一件事，意義唔同。」大抵，寶島溫柔女生外形，只是幌子，港女偏向虎山行式的強悍，才是本色。Nana卻說統統不是，是怯！「放棄唔做律師，掙扎咗幾年，走出安穩環境，無收入點算？」出生小康的Nana，母親是台灣人，完成小學即隨港人爸爸移居香港，再到英國讀法律。平穩的康莊大道，律師一做四年。07年，到花都巴黎進修，仍選實用的MBA！
「法國人注重生活享受，係真正慢活。」回港後兼職替英文雜誌寫飲食旅遊稿賺生活費，對於開茶店，念念不忘。「呢度招租，後面有條小巷，一見到就好鍾意。」小店位置偏僻，座位不多，但口耳相傳，聚集了同樣厭倦營役生活的香港人。不定期舉行音樂、手作活動，茶店五天營業，她甚至出版了實體《茶書》刊物，附上小茶包，郵寄給愛茶的人，「想提醒其他人，要慢落嚟」。理想與現實之間，有人認為是妥協，Nana卻信是選擇，信不信由你。
記者：呂麗嬋