【配套不足】
將軍澳首都為日出康城第一期，在2009年中入伙至今近五年，但設施配套仍然未足以應付居民需求，居民指入住康城貪其樓價平，但間隔及配套都不及將軍澳市中心。
目前日出康城未有大型商場，只有在首都基座位置有數間商舖，提供超市、補習社、乾洗店及診所，並未有餐廳及濕貨街市等。由康城港鐵站步行至首都至少要15至20分鐘，如到二期其他屋苑步程更長，屋苑則提供往來將軍澳站君傲灣的接駁小巴，但需要在PopCorn商場消費始有得乘搭。
一手業主：港鐵班次疏
於一手時已購入單位自住的周先生認同康城雖然有港鐵，但同香港其他好多地方比較都唔算好方便，巴士同小巴線路都不多，依靠港鐵但班次疏落。「要shopping只有行惠康，去街市就要出將軍澳。呢度唯一好處係樓價同全香港嚟比較係好平，諗住長住有潛力升值」。現持有兩房單位的周先生認為，首都呎價要過萬，「呢個價係OK好價」，因首都兩房單位需求大供應少。
由入伙已搬入首都的林太指，飲食及購物到現時都未習慣，「需要嘅嘢都未必可以買到，好多時都要出去將軍澳」，但交通已好過當年，最少增加了接駁小巴，但要消費超過50元才有得乘坐。
在首都租住超過一年的蔡小姐一向都要在外區食完晚飯才可返家，區內設施未足以應付日常需要。
蔡小姐續稱，住在首都一段時間後，都想搬出去將軍澳市中心，一來交通配套等問題，二來單位間隔及實用率一般。