話說近日不斷有人叫港大學生會退出學聯，之後有啲別有用心嘅人士搞咗多個facebook Page，叫不同院校退出學聯，除咗惡搞嘅「霍格華茲學生會退出學聯關注組」外，其中最好笑嘅可能要數有個Page叫教育學院學生會退出學聯，其實教院並唔係學聯成員，只係友好團體，呢個Page仲竟然將學聯同「學聯旅遊」混為一談。
呢個Page旨在抹黑學聯，有篇帖文指「HKST的架構：令人吃驚的真相」，話學聯有升學部、海外交流部：「學生對於學聯的組成和運作都認知不足，到底有幾多學生是被代表的？」心水清嘅網民即時回覆話，HKST係學聯旅遊（Hong Kong Student Travel），叫呢個Page嘅管理人應該做吓功課先。