《經濟學人》公佈2014年25名最具影響力經濟學家。美國聯儲局首位女主席耶倫，一句說話就可以令美股、甚至全球股市翻天覆地，諗住佢排第二都冇人排第一？錯！佢係榜上冇名！
唔止耶倫，歐洲央行行長德拉吉、日本央行行長黑田東彥等都唔入流。反而耶倫副手、紐約聯儲銀行行長杜德利都排第二，而且仲較兩位前主席伯南克、格林斯潘排得前，兩人分別排第5同第9。
《經濟學人》話，結果係篩走咗在任嘅央行行長，但怪就怪在幾位有投票權嘅聯儲銀行行長都榜上有名。第一名就係麻省理工經濟學家Jonathan Gruber，唔知乜水？佢係美國總統奧巴馬嘅醫療方案設計團隊成員之一，都係唔知邊位？唔緊要，繼續留意番耶倫就得。