踏入2015，亞視依然拖欠員工剩下的半個11月及整個12月薪金。現年31歲的亞視兒童節目主持伍偉樂在發生拖欠薪金前，早前參加樂施毅行者活動後成功向圈外女友郭倚珺求婚，本月27日便在金鐘萬豪酒店設宴，搶閘做2015年娛圈新郎，但卻碰上公司拖糧，伍偉樂近日只得密密出騷撲水娶老婆。
伍偉樂日前受訪時坦言慶幸早已儲好老婆本：「不過我都等錢用㗎，婚禮開支惟有慳住用。」據知伍偉樂的合約到年中，婚後多了家庭責任，壓力是否加倍？他說：「惟有喺出面搵多啲工作，其實公司一直有幫我接出面嘢，希望多啲工作。」會否連生仔計劃也要暫緩？伍偉樂尷尬笑說：「呢步未諗喎。」
採訪：比華利