鄭秀文（Sammi）前晚於除夕夜在紅館舉行第十場演唱會，跟在場過萬觀眾一齊倒數迎接2015年，但她在倒數後才知看錯時間，認真大頭蝦。Sammi亦向觀眾大派毛巾，最後連自己戴着的頸鏈也送出，她笑謂：「場館外有好多演唱會產品出售，記得要去幫襯，因為有啲滯銷，食粥食飯睇你哋。」
說到新年願望，Sammi表示說：「希望個個心想事成，身體健康，下次買Sammi演唱會飛唔使買貴飛。」此外，前晚任表演嘉賓的谷德昭，趁Sammi換衫時大爆對方秘密，他說：「之前蘇永康結婚，Sammi同我傾咗好幾個鐘，原因係安仔（許志安）飲醉咗，許太仲好賢良淑德咁，叫定消夜服侍埋老公食，又等埋佢先返屋企瞓。」
撰文：郭堡