年屆61歲的徐小明曾效力亞視18年，曾三進三出經歷過該台三個高峯期，對亞視有濃厚感情，如今看到亞視面臨倒閉，他不禁感到痛心和失望。
亞視積極尋求新買家，近日徐小明卻收到內地一間多媒體公司來電，該公司指正洽購亞視股權，問他有沒有興趣重返亞視力挽狂瀾，可惜徐小明自問有心無力再重新打造一個電視王國。不過他仍然支持政府再給亞視一次機會，昨日徐小明在尖沙嘴接受訪問說：「亞視已經有57年，有基本觀眾，係香港人嘅集體回憶，而且香港得番一間免費電視台亦都唔健康，不過續牌後嘅亞視一定要改善經營模式，要同跨媒體結合，新老闆必須明白經營電視台是長遠投資，而且唔好干擾太多，要搵專家做。」
「𠵱家老闆唔放水」
若然亞視真的獲續牌又有新買主，到底會起死回生嗎？徐小明笑言：「呢個世界冇乜係冇可能，問題係新老細有冇心去做，如果好似𠵱家嘅老闆以吊鹽水方法去做，乜資源都唔肯放，唔放水係乜都做唔到，𠵱家亞視連糧都冇得出，點會唔痛心。我喺亞視都攞到好多滿足感，但𠵱家年紀大啦！你話幫新買主做吓顧問畀吓意見可以，但要落手落腳再做番起個台就係冇咁大精力啦！」
採訪：鍾國仁