【本報訊】「我成為咗最大爭議嘅人，讚就讚到（我）好好嘅，但鬧亦都鬧到（我）好衰」。兩年前提出佔領中環的戴耀廷如今外出，總有人認得他、望着他：「希望香港人好快唔記得（我）。」佔領期間氣氛一度緊張，陳健民曾想過要寫下遺書給家人，也料不到女兒有天送他一盒「催淚」紙傘。
有一幕，是佔領第二日清晨，陳日君樞機在添美道攬住跪地、哭至崩潰的戴耀廷。戴耀廷憶述，大批港人在9.28經歷過87枚催淚彈，仍然死守金鐘：「人人都攰到死，個個都污糟邋遢，但係個個面容都好靚。嗰時我好感觸，香港人為民主付出，好犀利，我喊咗出嚟，突然有人攬住我，我唔知係邊個，我一聽把聲就知係樞機，我係基督徒，主教嚟攬住你，覺得好似耶穌嚟攬住你，嗰下好感動、感觸！」
陳健民收女兒紙傘感動
在訪問當天，戴耀廷回復了正常的生活，回香港大學改卷，到快餐店食午飯、吃馬拉糕：「我希望（餘生）冇乜改變，但係冇乜機會。」
面對途人指罵，戴耀廷看到開：「都要慣，我又唔係好上心，我只可以話，佢哋唔係好明我做緊乜嘢。」同時，上前向他讚美、豎起拇指也不少。
戴耀廷宣佈「去飲」，但在這場「民主盛宴」中，很快就失去話語權，其實，他卻是「找數」最多的一個。
據了解，戴有近50宗小額錢償索償訴訟纏身，如今每次上庭，總有個素未謀面的退休人士到庭以示支持他：「我話唔講畀佢聽我幾時上庭，佢話：『你唔話畀我知，我都會搵到』，佢全程冇嘢講，就咁坐喺度。」
陳健民說，10月初曾傳出警方會開槍清場時，心中曾經感嘆為了民主，是否要寫下遺書予家人。
陳知道，女兒身邊的老師、教練也是反佔中，只是她一直沒有向他明確表態，直至女兒到佔領區，送他摺滿紙傘的盒子，令他感動不已。
礙於不想連累家人，陳健民一直也少有談及家人：「支持佔中嘅人面對威迫，真係唔少，見報不見報也有，兩年我嘅感受係，無所不用其極。」