【本報訊】佔領運動在警方清場下結束，一下子我城仿似失焦，卻有一班有心人，早部署好佔領過後的行動，實行撐傘落區，主攻簡單易明的文宣工作，要把雨傘運動的理念、訴求與實況，盡量呈現到街坊面前。這個新生組織，一行數十人月內已三次到深水埗等基層地區，與居民傾偈。另一方面，串連新生代力量，部署出戰明年區議會。
「將事實帶入社區」
21歲的撐傘落區發言人黃瑞龍（阿龍），有意以獨立人士身份參選區會。雖然理念上屬泛民，他無意加入政黨，「政黨有好多束縛，好似雨傘運動期間，泛民政黨係喺人力同資源上有唔少支援，但因社會主流唔認同佔領，結果進退失據，好怕得失選民」。他認為，泛民在運動期間過份被動，「區議員其實可發揮力量，主動接觸街坊，解釋理念，爭取更多支持。
阿龍早在和平佔中商討日已成為義工，佔領期間在金鐘擔任糾察，經常擔任通宵值夜崗位。阿龍說，雨傘運動更令他感責無旁貸，藝術家以作品記錄運動、網民做懶人包教育公眾，關心社區的他，認為投身區議會大有可為，「區議員喺立法會選舉時，係非常重要嘅地區樁腳，可左右選情。如果唔係咁重要，建制派唔會投放咁多資源落去」。
他認為，最大問題是很多市民誤以為區會、立會是割裂的兩回事，也未能充份掌握政黨真正的作為，不知好些政黨在社區宣傳一套，在立會議政及投票時卻是另一套，「講政治其實都係利民工作，要將民生同民主掛鈎，唔好贏咗粒糖、輸咗間廠。之不過教育市民明白政制，唔係好似清理下水道咁容易寫出嚟嘅政績」。是故他認為暴露政黨、政客表裏不一，與處理社區運動場草地保養同樣重要，「重點係將事實帶入社區」。
■記者朱雋穎