香港第一代股票經紀張天生不諱言，與李福兆其實一直不咬弦，十多年沒見面，「人世間來往，總會有衝突」。但論及李福兆一生功過，他亦公道指「過只係好少，一定功大於過，雖然佢好憎我，但我好尊敬佢。」
張天生透露，李福兆其實對四會合併有意見，所以才在74年計劃先與香港交易所合併，當時金銀交易所主席胡漢輝找來張天生獻計，將計劃向傳媒曝光，間接令合併告吹，「搞到我差啲冇得撈咁濟，李福兆仲話我反骨」。及至港交所成立時一個遴選委員的會議上，他指胡漢輝曾提名自己，卻換來李福兆一句「千祈唔好張天生呀，佢係大蠱惑嚟㗎！」
他形容李福兆為人「巴辣」但嚴謹，帶領交易所做出成績，可惜87股災犯錯、又大罵港英政府，埋下坐牢伏線，「佢係世家子弟，如果唔係過份貪心，就可以名流千古，但咁樣鬧政府，入咗冊就遺臭萬年。」