【西環集中營】
外界期待特首梁振英1月14日公佈的施政報告，有何板斧在後佔領時期扭轉施政困局？但有知情人士寄語，別對施政報告有太大期望，始終政策不可能無中生有！那財政司司長曾俊華的財政預算案又如何？有曾與政府談過預算案的政界人士說，相信在後佔領時期，財爺仍有緩困措施，但別期望是驚天動地之舉！
「睇唔到粒糖會特別大」
話說今年施政報告及財政預算案的政黨諮詢安排，財爺曾俊華未有一如往年陪特首梁振英出席，只在早前與建制派立法會議員吃了一餐飯當諮詢，難免令人覺得，鬍鬚曾是否藉此希望外界不要對預算案有太大期望。但有知情人士對季陶解釋，財爺今年諮詢較低調，只因下半年有不少外訪，難以安排時間，事實上所有諮詢未有停過，但就由財經事務及庫務局負責。
那明年預算案又會否有驚喜？有曾與政府談過預算案的政界人士對季陶說，他相信在後佔領時代，「政府冇可能冇糖派，但睇唔到粒糖會特別大，始終政府要睇住盤數做人，而且你知政府理財有幾保守」。他又感到政府對明年經濟情況，較以往幾年更憂慮，「始終美國加息唔再係不可見，明年年中或年尾就殺到，再加埋內地經濟又唔明朗，真係幾頭痕」。再加上之前兩年，政府已推出長者生活津貼、低收入津貼，經常開支已「使多咗」，所以估計以往有的緩困措施，多多少少也應該會有，至於驚天動地派糖之舉，千祈別要「講呢啲」！
季陶