成日話拍劇冇劇本就咁出去拍，係唔夠專業，但男神就講返句公道說話︰「其實要有齊劇本先出去拍，有時候對編劇嚟講真係好奢侈！佢哋話畀我知最得意係，試過要拍好晒成集，你先會有一份完整嘅劇本！」
點解香港拍劇咁畸型？真係趕成咁？咁演員咪好混亂？宗堯就話自己會做足功課︰「譬如24集，有時唔係順住拍，係會跳拍，可能係第3集、第8集、第12集15集咁樣，咁我返去會睇佢前一集嘅劇本，嗰一集嘅劇本，同埋後一集嘅劇本對照，要清楚晒成個流程！」咁又啱喎，有時第1集同最後1集個角色可能已經由忠變奸，如果唔清楚上文下理，又點樣可以演得好呢？
拍完晒先寫劇本？！明晚11:00《亂噏24》足本版！