【傳媒】
【本報訊】人們都說2014年，傳媒界面臨前所未有的低氣壓。資深傳媒人區家麟卻不驚訝，「要嚟嘅終於要嚟」。這一年，他寫了近270篇博客文，平均一周5篇，比過去任何一年都要多，「我寫文章通常圍繞『荒謬』為主題，而今年荒謬事的確特別多，寫極都有」。
2月，李慧玲遭商台無理解僱，不足一周，《明報》前總編輯劉進圖被斬，六刀斬斷腳筋劃破背肌，傳媒人無奈一再別上（當時仍未被騎劫的）藍絲帶，上街譴責暴力，由記者變成受訪者。區家麟提醒，斬劉主腦至今仍逍遙法外。
又如免費電視業，相比去年的大起大落，今年好像甚麼事都沒有發生。區觀察到，這一年，無綫更鞏固了其壟斷地位，亞視繼續半死不活；獲發免費電視牌的有線與奇妙，似乎無意大搞；港視卻被千方百計阻撓，掙扎於網絡世界。
控制老闆即控制一切
區認為，今年更明顯看到，控制傳媒很簡單，「控制老闆即控制一切」，由《明報》換老總、TVB處理七警暗角打人下令刪減「拳打腳踢」的旁白，到《主場新聞》結束亦如是，「所謂編採自主，係一個人話晒事。有啲手段以往暗中耍，今年卻變得赤裸」。
經濟控制亦然，年初《蘋果》及《AM730》被暗中抽廣告，年底卻是明目張膽地封殺，壹傳媒大樓被鄉音大媽與彪形大漢圍堵，只為阻撓報道面世。
凡此種種，他同意與佔領運動有關。好些媒體在高壓下，換血速度加快、敢言者減少工作機會，「結果就係四點鐘許sir講乜就報乜」，媒體安全系數提高同時，也變得毫無個性。
「要有心理準備，來年只會更赤裸，有啲報紙會越嚟越薄，老細嘅干預越嚟越明顯，有啲界線會越褪越後」。區舉例說，傳媒界在佔領期間流行一種講法，因為非法，就不作深度報道，「結果就係有班人被滅聲」。「今年係多事發生，荒謬到好多人開始麻木，覺得『係咁㗎啦』。咁係好大鑊㗎」。
■記者朱雋穎