【本報訊】和平佔中的計劃因學生闖入公民廣場而改變，但佔中最原先計劃是怎樣呢？除已知的佔領遮打道外，戴耀廷透露，一旦警方阻撓，佔領地區會即時改為銅鑼灣、金鐘道，若政府三日內不為所動，會硬闖夏愨道，但當時一提出內部認為太激進即時作罷。人算不如天算，從未曝光的原計劃竟已一一「落實」。
本希望五日完結
戴耀廷透露，佔中本計劃由10.1開始，至10.5完結，首日由遊行開始，到達遮打道時便坐馬路，預計警方由10.3起開始抬人，即使人數數以萬計，預計抬至10.5日便會結束。他指出內部曾提出，若政府在佔領第3日不為所動便會升級，「有諗過去衝夏慤道，但嗰時諗：『唔好啦，好驚呀，衝夏愨道』，當時我哋成班人都係咁講」。
戴耀廷又指，若警方拒讓遊行以遮打道作終點，他們計劃在遊行期間發難：「嗰時我哋已諗坐喺銅鑼灣、坐喺金鐘道，其實嗰兩個位置我哋係傾過，最後實際發生咗啦。」陳健民指，有年輕人曾提出改為佔領皇后大道中，但因安全問題遭他們拒絕：「我哋好反對，因好驚到時會人逼人踩死人，所以我哋堅持遮打道，因為嗰度疏散空間較大。」 陳指，當時計劃一旦警方用催淚彈，會即時呼籲疏散，卻料不到市民會如此勇敢：「打咗第一個催淚彈之後，大台上，我、邵家臻，（學聯）鍾耀華你眼望我眼，我哋叫人疏散，但出面（夏慤道）係沒有大會、只有群眾，佢哋唔疏散，打完一個，又返番轉頭。」