狼振英上場後，「愛」字頭組織應運而生，愛國愛黨愛香港，次次撐到出晒位。當中「表表者」愛港之聲噚日開記招講來年工作，主席高達斌話會積極考慮派人參選區議會，有乜嘢人選就唔透露，總之佢本人冇打算參選喎。
佢哋又計劃1月1日元旦日晏晝，喺中環遮打花園舉行「愛香港 愛鄰舍 愛家人」嘉年華，高達斌預料幾百人參加㗎，又話已經邀請幾個曾經參與佔領行動嘅人士出席。至於係邊個？屬於乜嘢團體﹖佢都唔肯講，話驚「見光死」對方唔肯嚟。愛港之聲過去搞嘅元旦嘉年華，都係以撐政府為主題，點解今年唔再撐？高達斌話愛香港，已經包含對政府同官員嘅愛喎。