亞視昨日只出得半個月糧，早前自爆銀行戶口存款只剩下7.94元的黃集鋒下月16日與黃夏蕙齊齊在新光戲院演出，屆時二人更要扮結婚。
夏蕙姨雖然年過80，但向來百無禁忌又貪玩，早前試辦生前喪禮，最近又與契仔黃集鋒玩結婚，紅白二事都玩齊，她說：「呢個係慈善演出，有A貨秋官之稱嘅大老倌法榮會唱《愛人結婚了》，我同鋒仔會喺台做戲，兩男爭一女。」
日前，夏蕙姨與黃集鋒為演出試衫及試戲，穿上白雪低胸婚紗的她，不時與黃集鋒情深對望，黃集鋒又輕托其香腮，兩個人都交足戲，黃集鋒說：「今次契媽親自搵我，一定要支持，而且仲係慈善嘢！」夏蕙姨則大讚黃集鋒好仔，絕對是結婚理想人選，她又謂：「佢又有型又靚仔，我如果後生，結婚都想搵呢啲條件啦！錢搵多搵少唔緊要，最緊要人品好。」
採訪：藍文浩
攝影：陳順禎
