英冠嘅諾定咸森林又輸一場，主帥皮亞斯（圖）睇嚟都就俾人炒！森林喺星期日又輸鑊金，主場對伯明翰，客隊上半場就有哥達利爾開紀錄，加埋當奴臣梅開二度，落後0:3；森林雖然有艾桑巴朗加完場前入番粒，但都輸1:3，兩連敗兼失咗6球。森林季初成績幾好，但踏入10月後表現插水，贏得兩場波，我求大俠真係唔知皮亞斯可唔可以喺森林度過新年！
雖然𠵱家班英冠領隊入面，皮亞斯都算係名帥，帶過英國隊打奧運，但佢已經淪為英冠下位被炒領隊嘅頂頭大熱，得2倍。次熱係5倍、卡迪夫城嘅施利特，之後係6倍、米禾爾嘅荷路威。另外，榜首嘅般尼茅夫就繼續威，作客贏米禾爾2:0，佢哋喺英聯盃輸完畀利物浦之後，已經連贏3場。
識睇，一定係睇足英台【英波Live】：
http://soccer.appledaily.com
http://bit.ly/engballlive