康宏理財（1019）主席王利民（中）今年多次贊助正生書院，估唔到佢連剪頭髮都幫襯正生，話要為下個月去南極跑馬拉松執靚個look喎。佢仲遇到正生書院校長陳兆焯（左），順便來張合照喇。
曾經跑過撒哈拉沙漠與北極嘅王利民，下月中又挑戰極限，參加被健力士世界紀錄認可為「地球上最南端馬拉松」嘅南極冰上100公里超級馬拉松賽事，成為首批參加呢項賽事嘅香港人，公司仲贊助正生書院一位畢業生參賽。
王利民噚日就走咗去灣仔嘅正生理髮店飛個靚髮先，呢度剪一次60蚊，王利民話，今年4月開始幫襯呢度剪髮，每個月去一次，感覺相當良好咁話。