一個成功男人嘅背後，總有一個美貌與智慧並重嘅女人支持，渣打認股證及牛熊證銷售主管翁世權（Simon），就係最佳例子。點解咁講？原來翁太除咗相夫教子外，仲愛心爆棚，經常帶埋老公同囝囝參加慈善活動，如探訪獨居老人咁。
剛過去嘅聖誕假期，翁太就安排咗Simon同囝囝參加由慈善團體「兩地一心」搞嘅助學團，遠赴江西探望當地嘅貧苦學生，囝囝出發前仲喺學校向同學仔募集文具同埋圖書，一大篋送過去，認真叻仔！
Simon話，老婆希望透過實際行動，等囝囝體驗一下不同地區嘅生活，學懂與人分享同溝通，總好過紙上談兵。Simon又好開心咁話，去完探訪後，獲心靈滿足，華華就覺得，有個咁好嘅老婆同咁乖嘅仔，羨煞旁人就真！