新一期居屋出爐，撞正聖誕節，《蘋果》「廿四孝父母 排3個鐘攞居屋表聖誕願望：子女抽中」實在正，子女幾大年紀多歲都好，聖誕禮物，一樣係唔少得嘅！
有76歲老伯天寒地凍「排咗兩個鐘，排到幾乎暈咁滯」，為即將結婚的幼子排隊攞申請表，聖誕願望便是兒子能夠抽中居屋。還有與父母同住沙田居屋，明年才畢業的大學生，父母擔心她畢業後難以買樓，所以出首期先買，待她畢業後自行供款。又有月入二萬現與家人同住公屋的年輕人，望抽中搬出來自住，稱「預計可用五成入息供樓，不至過於吃力」。
老老實實，買樓不是買菜好一餐唔好一餐，條數究竟識計否？一個大學畢業生能有幾高收入？莫講返工搭車食飯着衫等開支，水電煤管理費地租差餉全部硬支出，即使月入兩萬，根本沒有可能供得起一萬樓。供養父母當然不在計算之內，只有父母把子女供樓及生活開支計在自己的收入、或及棺材本之內。問題是，條命夠長或者夠硬、紅簿仔積存身家夠厚就當然冇問題。要是身體出現狀況，或者突然有意外撒手塵寰，醫療殮葬費用都不是小數目絕對不是講玩的，該怎辦是好？
我不是青姐，不識和大家講經濟，但我這個肥師奶都識啲常識，就是不管甚麼市，包括街市，都不會只升不跌、或只跌不升。香港人最善忘，痛過就算，經已忘記了「負資產」這個名詞。
買樓容易供樓難，必須量力而為，做父母的一樣要。不只是付不付得起的問題，是不能令子女大安旨意，樣樣可以有倚靠。尤其年輕人，赤手空拳打天下，靠的是無包袱膽正命平，追求夢想人自勇，追求安逸膽自怯。
殊途，是不會同歸的！
張慧敏
http://www.facebook.com/HKcareerdoctor