葉念琛編劇、黃柏基導演的電影《小姐誘心》將於下月中在香港上映，電影貫徹葉導擅長的情色劇情。除了男女主角劉心悠、周柏豪豁出去有連場激烈床戲外，戲中其他演員都有多場激戰。片中飾演名人的姜皓文（黑仔）先後在廁所跟曾淑雅（Jumbo）gathering、車震何佩瑜（Jeana）及埋首在莊思敏（Jacquelin）雙峯間。
Jeana：又鹹又濕
連場床戲最激要數Jumbo跟黑仔在廁所那段，黑仔從後狼擒對方雙胸，葉念琛表示該場在酒吧廁所拍攝的戲份，是想配合早前的殘廁gathering事件，他說：「我一向都鍾意喺戲入面加入啲新聞題材，所以今次都唔例外。」
Jeana在片中是莊思敏公司旗下的藝人，借勾引莊思敏的老公黑仔向她報復，Jeana昨日接受電話訪問時表示，跟黑仔的車震毫不香艷，感覺是又鹹又濕，她笑說：「嗰場戲大熱天時30幾度喺車入面度拍，因為要收音所以唔可以開冷氣，一路震住一路流汗，感覺到好濕同阿黑哥啲汗好鹹。」
戲中飾演黑仔太太的Jacquelin就拍得比較舒服，床戲在酒店進行，前後都拍了差不多10個鏡頭，她接受訪問時說：「喺酒店拍，大家仲可以沖完涼先開工，不過黑仔知道我未拍過啲咁激嘅床戲，仲要大家第一日開工就拍，都有啲尷尬。」Jacquelin表示拍攝時雙方感覺似施暴，她說：「大家真係扯對方啲衫，佢唔單止隻手，個頭都掂到我個胸，不過大家都明白係為件事好。」
撰文：李森
