【創業Startup】
一班不甘心打工，豁出去創業的80後，勝出Google創業比賽，獲得一個遠赴創業家搖籃──矽谷的交流機會。立足在IT夢想之都，短短五日的旅程接觸頂尖創業家、甚至親身向各天使投資者推銷等，都足以令他們知道，創業要成功，熱血之餘亦要有智慧。
期望明年首季上架
HITA為「Hands In The Air」的縮寫，由Eddie、SL、Ryan此三個在他們口中「癡線的80後」一手創立之獨立音樂平台。「好多外國主流歌手，好似Taylor Swift、Jason Mraz本身都係indie出身，我哋就提供一個平台，畀亞洲有質素嘅indie歌手有更大機會被發掘。」
Eddie表示，已經為開發HITA投資數十萬元，冀明年第一季正式上架。他強調公司不急於搵錢，第一步會先建立品牌，令indie市場真正成形，才將HITA商業化。
目前市面上已經有不少串流音樂服務的平台，有部份更有提供獨立音樂。提到定位上的分野，SL就比喻，「就好似去到書店咁，獨立音樂永遠放喺最後排，主流音樂App唔會好似我哋咁，將indie音樂帶入群眾。」
音樂市場陷困境是人所共知的事，不過代表公司前赴矽谷的Eddie透露，最初在當地遇到的投資者，都質疑HITA的經營模式，對音樂產業耍手擰頭，直至最後一日，遇到有美國人投資類似業務嘅公司，令他們相信HITA絕對有市場。SL稱，「原來世界真係有人同我哋一樣咁癡線，而癡線得來又係work。」
知道有同路人固然是矽谷之旅的一大收獲，但更重要的是，深深體會矽谷着重的「分享」文化，創業家之間互相交流，「我哋只會睇到最熱血嘅事，要突破呢個盲點，就會不斷跟唔同嘅人傾。咁先可以將熱血，變成一件可持續發展嘅生意。」
記者：倪敏慧矽谷報道