佔領運動告一段落，但係是非爭議仍然不斷。學聯秘書長周永康Alex噚日喺facebook寫咗篇逾3,000字嘅文章，話係對運動作反思，亦對自己作一個交代，全文重點依然係佢早前接受有線電視〈新聞刺針〉訪問，引起學聯將行動升級係「設局害人」嘅爭議。
之前已經澄清過不擅辭令而惹誤會嘅Alex，再次否認「要推人甚至學聯自己友去死」，佢話有線應該公開有關片段，而且唔再用涉及記者個人睇法嘅旁白，先可以平息爭議。
八方唔知道，平時會爆喊嘅Alex，寫文時有冇感觸流淚呢？只知道Alex對於無法同部份運動支持者建立信任，仲因為流言蜚語令人對學聯嘅信任瓦解覺得失敗，而因此令信任學聯嘅人感到被出賣，最令佢難以釋懷。「如果有人堅持我刻意希望他人在中途已命喪路邊。Sorry，就讓我們看看抹黑質疑與堅持到底者，誰比誰堅韌與真心」。Alex咁傷心，Lester係時候呵番呢位hehe戰友嘞。