畢菲特被喻為「神級」就係因為投資技巧已達最高級別，贏錢無極限。趁2014年本周即將結束，股神今年醒畀投資者嘅六個忠告。
指數基金：股神由1993至2008年金融海嘯期間，八次推介指數基金。佢喺今年巴郡致股東的信中建議，將遺留畀太太嘅信託賬戶，當中一成現金投入低息政府債券；另外九成現金就投入手續費低嘅標普500指數基金。
唔熟唔食：意思係唔熟嗰行就無謂扮專家，否則投資同賭冇分別。
越跌越快樂：畢菲特並非大淡友，只係覺得股市下跌，可以低價掃入優質公司嘅股票。
學識點儲蓄：畢菲特今年1月搞咗個「估波仔」，成功估中全美大學籃球賽賽後64場淘汰賽所有勝出隊伍，可捧走股神送出嘅10億美元獎金。筆獎金得主落空，股神就受訪時提醒大家發達冇捷徑，「及早學好儲錢，儲蓄係需要培養嘅習慣。積少成多見得多，一夜致富就好少見。」
解讀財務報表：畢菲特今年8月向一名17歲考入高盛當實習生的忠告，「去報讀所有會計課程，會計就係商業課程嘅語言，學識後令你將來接觸財務報表更易掌握。」
咪掂Bitcoin：虛擬貨幣Bitcoin？畢菲特眼中並非投資工具，沒有價值，係一個大笑話。
C+B
本欄逢周一刊出