拍劇拍戲要爭分奪秒，有時度好晒位但遇上意外，又要從頭嚟過都咪話唔慘，最慘仲要係人為嘅意外o添…宗堯就曾經試過拍套日本劇，天寒地凍仲要遇上幾個意外，認真慘到裂開！
話說套劇係講二次大戰後，第一位日本遺留喺中國嘅戰後孤兒，返到日本嘅故事︰「我哋去到哈爾濱，嗰時係冬天，我哋要拍嗰個火車站。當時一日只有一班火車，你知內地嘅火車…停啲位都好唔準嘅，車埋站喇，點解唔啱位嘅？於是我哋要跑跑跑，得3分鐘時間跑上去，成件事好趕，情緒又要激動，要生離死別咁攬住阿媽喊！」咁慘？唔只咁少嘢！「拍到差唔多完嘅時候，先發現天氣太凍喇，連機器都凍壞咗……」呢啲莫非就係傳說中嘅地獄黑仔王？
星期四晚11:00《亂噏24》足本版！終極黑仔連環慘？！