亞視至今仍拖欠員工11月薪金，但12月出糧期限也快到，亞視早於10月時舉行《2014亞洲先生競選》時，曾邀陳偉成（Avis）做評判，據知他的數千元車馬費一直都未出，現在亞視陷入財困，這筆車馬費很有機會跨年拖欠。
記者昨日致電Avis求證，他直認不諱：「我助手喺騷後已向亞視交咗銀行戶口資料，中間都催過一次，一直未有消息，我會畀多少少寬限期，始終員工都未出糧，好多員工要養妻活兒，有機會冇飯開，希望亞視解決咗員工欠薪先，有錢就第二波出畀我。」Avis表示日內會叫助手聯絡亞視再查詢：「我都係細數目，元旦後先追數啦。」亞視公關部昨短訊回覆欠Avis車馬費一事：「正安排發放有關費用中。」
採訪：楊定