聖誕新年，好多議員都離港度假，叉足電面對明年嘅政改、拉布大戰，新民黨主席葉劉淑儀早前話要同佢囡囡過一個溫暖嘅聖誕，結果原來兩母女去咗泰國。同好多香港人一樣，葉劉同阿女Cynthia去咗當地嘅烹飪學校，學整泰國菜，體驗正宗嘅泰國料理。有網民以「慈母」形容葉劉，真係唔知係彈定係讚。
葉劉噚日上載佢喺烹飪學校Chef LeeZ嘅新相，相中葉太背心裝束和圍裙上陣，花咗幾小時學整冬蔭功、泰式炒河粉、正宗泰式綠咖喱雞等。自稱「無飯煮婦」、喺香港極少機會下廚嘅葉太，話自己嘅作品，雖然算不上大師級，但總算過得去咁話喎。