人民力量主席袁彌明和公民黨創黨成員林雨陽昨日在堅道天主教聖母無原罪主教座堂舉行婚禮，一班人民力量的黨員在教堂外為主席撐起黃傘，快必譚得志振臂高呼：「連生貴子，開遮散葉！」
袁彌明的婚禮上，有不少她的政治夥伴、黨員，還有港姐好友前來觀禮，包括兄弟之一陳志全、蕭若元、蕭定一、長毛梁國雄，陸詩韻和張允芝等等。婚禮開始時，袁彌明手執白玫瑰花球，無名指上戴着求婚鑽戒，當宣讀誓辭的時候，一向口齒伶俐的袁彌明竟然緊張起來，雙方交換戒指後，一對新人滿足賓客的要求，四度情深擁吻。
未有玩新郎哥
婚後一對新人接受訪問，剛任林太的袁彌明被指表現緊張，她說：「因為當時唔記得咗讀到邊度，同掛住其他嘢。」昨日未有接新娘環節，新郎林雨陽解釋：「要畀錢玩自己？冇可能！」林太袁彌明亦為夫解圍說：「算啦，我有其他嘢唔放過佢嘅。」
不少賓客祝福新人連生貴子，袁彌明被問到有冇生B計劃，她毫不留情說：「係呀，生出嚟又要抗爭，又要佔領，又要俾警察打，等有真普選先至生啦！」袁彌明又補充說：「佢係二仔，我係細女，所以都冇壓力。」兩人昨晚在赤柱美國會擺酒，蕭定一包起全場的香檳和威士忌作賀禮，他笑指一對新人有共同興趣，可以一齊去示威，而袁彌明接受訪問時說：「呢樣好緊要，佢會支持我。」
至於同為真普選抗爭的何韻詩和黃耀明，有沒有受邀出席？袁彌明說：「其實我同阿詩都係被捕之後喺差館識，如果請佢就好唐突。」
採訪：黃曉妍
攝影：陳俊強
