鄭秀文（Sammi）前晚在紅館舉行第六場演唱會，黎明擔任表演嘉賓，Sammi在行往台中間時，因裙襬又長又重，黎明出手幫忙，她即緊張說：「點好意思要你幫我揭裙呀！」黎明發揮金句王本色：「其實好簡單㗎咋，只要覺得困難就唔會做，唔難受就係咁做！」Sammi興奮尖叫：「金句呀!」黎明又指導她站立位置：「你要企過啲啲，條裙腳會夾住台邊。」Sammi立即封他為「最細心金句王」。
此外，Sammi自爆大前晚完騷急召按摩師出手：「我跳到成身散晒，對腳攰到不得了，返到酒店落咗妝，按摩師哥哥見到我嚇咗一跳，因為佢未見過我落妝個樣，加上我攰到面色蒼白。不過，今晚可以又跳啦！」
撰文：麥萍萍
