【呻一呻】
平嘢冇好嘢？有兩名讀者早前參加廉價旅行團到內地旅遊，卻換來一肚氣！
陳小姐以每位599元參加新華旅遊廣東第一秋色──南雄「金秋銀杏」之旅三天團，該團以南雄帽子峰林場的圖片於網上作招徠，行程第二日前往南雄帽子峰林場或坪田觀賞銀杏，惟導遊當日指因帽子峰林場交通擠塞，改往坪田，她僅看到一棵枯樹，十分失望，「新華唔應該再用呢個廣告嚟吸引人」。
被迫逗留購物點
另外，彭小姐則以每位109元參加大航假期廣東中山小欖賞菊一天超值團，宣傳單張列明該團有三個購物點及焦點遊為「小欖菊花盛會」。惟她指團友被迫每個購物點逗留逾一小時，導遊多次押後賞菊時間。
團友最終於臨近關館之際匆匆賞菊20分鐘，她認為行程安排「完全唔合理」，不滿道：「行程應該改為賞夜菊，我知呢個係購物團，但𠵱家好似賣豬仔，連僅有嘅景點佢哋都想放棄埋！」
新華旅遊指該團導遊當天接獲公司通知，前往帽子峰林場的交通嚴重擠塞，須花逾六小時來回，故安排團友往坪田觀賞銀杏樹，而行程表已列明「賞銀杏時期視乎季節及天氣變化會有所影響，若未能觀賞，將不會退款」，亦已加上「圖片只供參考」提醒顧客。另外，大航假期於至截稿前未有回覆。
檔案編號：1124010、1126025
■記者鄧詠中
社會服務
◆匿名投訴恕不處理。一經投訴，本報保留刊登權利
◆報料熱線：29290000
◆社會服務熱線：29908288
◆蘋果日報慈善基金：29908688
◆電郵：mailto:[email protected]
◆傳真：37112468
◆網址： http://charity.appledaily.com.hk