石詠莉（Sukie）日前與男友鄧健泓慶祝生日後，王宗堯、張健聲和鄭欣宜等亦為她神秘慶祝，事後Sukie感動地說：「真係估大家唔到，我都好奇怪點解會咁齊人，我已經好叻忍住唔喊，感謝公司兄弟姊妹，希望身體健康，多工作，世界和平。」問到婚期時，她笑說：「估唔到大家比我仲緊張，我哋係有結婚計劃，但係乜嘢都未定，總之有好消息，一定會公佈。」