觀眾緣呢樣嘢，有時真係得天獨厚，好似劉華咁吖，無論飾演乜角色，都一樣咁受歡迎。大家唔好誤會喎，八方所指嘅劉華，絕對唔係劉德華，而係一字之差嘅劉江華。吓，乜劉江華好多人like咩？唔覺喎！嗱，大家稍安毋躁，八方唔係學咗689講大話，而係因應一場雨傘運動、一場特區五人決戰學聯五子嘅政改辯論，得出咗呢個結論。無可否認，學聯五子當日表現好出眾，但最終喺網上跑出嘅，卻係成場一粒聲都冇出過嘅政制及內地事務局副局長劉江華，估唔到喺一場開聲嘅較量中，劉華無聲勝有聲。10月對話後，網上湧現一片劉華熱，改圖變身阿源或垃圾桶，或者出碟做歌神，市民都睇到好入神，八方當日特別輯錄一批佳作，畀大家一次過欣賞爆笑創作。
網民點評：
My melody：呢招叫以靜制動，大家識條春咩。
gundamlamth：香港要贏，劉華就要被滅聲。