呢次佔領運動突然冒起咗一批政治明星，雙學代表嘅勇氣，固之然令人欣賞，但有一個人亦不可不提，事關佢喺佔領期間每日4點喺記者會嘅「演出」，都令唔少觀眾捧腹，而佢好體貼咁用中英兩語做表述，更加好鬼出眾。
查實香港警察公共關係科總警司許鎮德，都不時喺八方版亮相，好似10月10日，八方製作許Sir特約，當日就提過有高登仔為許Sir整嘅facebook專頁，已經有成萬幾個like，甚至有網民改詞幫佢整埋首主題曲，大讚佢趣致的臉好動人。但之後發生咗警察打人事件，佢個fb被封殺咯，但人氣未減，唔少人都希望喺佔領區見佢真身，好可惜到清場，佢都只可在電視遠觀、不宜在現場褻玩，唔知許Sir幾時重出江湖見粉絲？
網民點評：
Ka Yi Wong：好受女仔歡迎^^
Wing Sang Alex Leung：每日下午4點鐘，許Sir同你發噏風！