一講到粗口，唔少人會諗起民建聯。唔好心邪，八方唔係暗示啲人聽到禮義廉就以四粒英文字回敬，而係佢哋個黨盛產粗口黨員。最經典莫過於大狀馬恩國，上年喺立法會用「You are not even a fXXking Chinese」鬧長毛，名噪一時；Tree根唔知係咪不甘風頭被搶，以疑似「肯X定」嘅「肯肯定」同馬恩國爭風呷醋，今個月初又以「X你就唔係」再下一城。勢估唔到粗口風潮吹到黨主席譚耀宗身上啫，7月初部份泛民喺立法會大會響鐘拉布，逼到建制派要留守歸位，有次譚耀宗激到紮紮跳，氣頂時講咗句「你真係嘥X晒啲議會時間！」網民話佢爆粗，佢堅持係「𧄌脷」，無論真定假，呢個黨就好似八方幅圖，粗口黨友多。
網民點評：
Shiu Kwan Tam：痰尿鐘果然同你黨友Tree Gun同馬恩國一樣咁厚臉皮！