唔知大家係咪同八方一樣，新一年通常都搵啲運程書揭揭，睇吓自己會唔會吉星高照？八方其實喺今年1月新正頭，同大家搵咗有逾120年歷史嘅廣東真步堂第三代傳人蔡伯勵，分析吓12生肖政界中人馬年運勢。家陣睇番，發現蔡大師好厲害，講中屬馬嘅狼英有吉星將軍幫忙，「將星護駕，建樹不凡」，當時八方話過佢個將星最有可能係阿爺，事實又係喎。一場佔領運動，主席習近平竟然仲對狼英不離不棄，讚佢「疾風知勁草」，意外地越被鬧就越不倒。
至於肖牛嘅魔童王維基，蔡大師話貼佢今年有凶星六害，會遭小人陷害，嗱，港視最終無法7.1開台，擺明係受小人拒發牌所害，好在魔童變陣喺網上開台。八方特別搵番當日構圖，當中預視性可堪回味。
網民點評：
rilakkumaKIMKIM：唔使問隻狼肯定用陰招砌魔童！
Gogo Rickymartin：吉星？混吉星就真！