【本報訊】文化監暴成員帶着聖誕歌聲，遊歷金鐘、銅鑼灣、旺角佔領區遺址，踏上港鐵、穿越維港，把巿民帶回到雨傘運動的起點——中大百萬大道。2,000雨傘在烏天黑雨中再次高舉，最年老留守者黃伯化身聖誕老人，在台上呼籲眾人不要氣餒，「爸爸、媽媽、阿爺、阿嫲，同埋所有善良嘅巿民，會支持大家永遠堅持到底」。
記者：張嘉雯 王家文
昨午4時多巿民已開始在中大百萬大道集結，高峯期2,000人冒着風雨出席。大會以聖誕歌曲開始，當旺角主題曲《日日去鳩嗚》出場，巿民情緒開始高漲，其後音樂人香蕉奶（岑瑋倫）和學聯成員羅冠聰合唱《無盡》，全場高舉手機亮着燈光，有人拿着傘形燈牌，隨着旋律擺動。
「係要長期抗戰」
參加者中有任職銀行的陳先生、懷孕妻子及兒子，「學生都係為下一代，想嚟支持吓，呢個世界無運動係一時三刻，係要長期抗戰」。在中大工作的陳小姐也撐場，她曾留守金鐘兩個月，清場後曾感到慌失失，「始終瞓喺條街兩個幾月都影響唔到政府，咁即係點？𠵱家反而係下定決心，要盡力做嘢感染身邊嘅人」。
學聯副秘書長岑敖暉和港大學生會會長梁麗幗壓軸出場，岑敖暉在發言時指爭取普選長路漫漫，「可能我哋無咗佔領區，但我哋一定會行番出嚟，一齊打仗打落去，今次一定唔係最後一次街頭會面，未來會見到大家身影。」全場高呼：「香港人，加油！」
從港鐵到渡輪
由文化監暴及學聯等多個團體合辦的「黃色聖誕 音樂串流」活動，昨日中午展開，用歌聲唱遍雨傘運動期間，曾經被佔領的地區。首站到最後被清場的銅鑼灣，文化監暴成員黃耀明、何韻詩聯同多個不同音樂人獻唱。但寒風冷雨未有令熱情退減，數十名圍觀市民跟着一起歌唱，「一起舉傘，一起的撐」。
由東角道街頭唱到落港鐵車廂，再重返金鐘夏慤村合唱一曲《海闊天空》。「好感動，可以去番呢度唱番歌。對於曾參與雨傘運動嘅人，呢度係一個標誌性嘅地方」。
何韻詩盼藉聖誕節提醒港人毋忘普選訴求，雨傘運動是會持續落去，「我覺得有好多隔膜，大家意見不同，其實唔緊要，我哋可以用各種方法去溝通。」
眾人其後從中環乘搭渡輪到尖沙嘴，在五支旗杆下繼續歌唱。當到達旺角西洋菜街行人專用區，雨勢越落越大，仍吸引逾200人圍觀。活動尾站是重返中大百萬大道，即雨傘運動的起步點。
「不可對港失望」
「返番嚟學生中大呢個起點，諗番當時喺佔領區好感動，其實唔應該只係掛住佔領區，更加要佔領整個香港。」黃耀明說從沒忘記初衷，市民可以對特首梁振英失望，但不可以對香港這個城市失望，「要令佢講出真話為止」。他更呼籲市民登記做選民，以選票趕走漠視民意的建制派。
