【本報訊】「黃色聖誕」由銅鑼灣起步，途經金鐘、中環、旺角，然後重返中大，警方昨日全程都派員監視及攝錄。
警方昨日一直派員監視及攝錄「黃色聖誕」活動，更有警車緊隨其後。黃耀明被問到活動過程是否順利，他不禁苦笑說：「今日全日都有警察睇住我哋，好順利。」
何韻詩憂被指阻街
街頭音樂會在多個佔領區快閃舉行，黃耀明指活動有知會相關政府部門，認為毋須申請，「我哋喺街唱聖詩報佳音」。當報聖誕佳音也被指非法集結，何韻詩也擔心街頭歌唱會被警方指阻街而要終止，「好難估到佢（警方）個準則係點，可能俾人話非法集結，事前都要諗點樣處理」。她質疑警方昨日的部署說：「咁係監察定係護送呀？我懷疑係監察囉，我哋去超級市場買嘢都要跟住。」
經歷血色平安夜，聖誕節的旺角入夜後回復平常的不夜天，時值假期，大批市民穿梭西洋菜南街行人專用區。不過，區內警力明顯增強，軍裝警遍佈每個街角，嚴密監視路過途人，雙目緊盯身穿黃衣、手持黃傘的市民。
昨晚近9時起，陸續有市民舉起黃傘，在西洋菜街一帶散步，也有有舉起「我要真普選」標語。警方未有採取行動，但大量便衣探員潛伏人群之間，高度戒備鳩嗚團再現。