Sony一部劇情講述刺殺北韓領袖金正恩嘅電影《The Interview》，內容引起北韓政府不滿，Sony更懷疑因此俾黑客入侵，一度擱置上影，但最後終於有美國獨立院商夠膽播，先可以如期喺今年聖誕節上畫。
Sony亦決定同步喺網上發行呢部電影，但只喺美國本土發行，即係只有身處美國嘅網民先可以睇到，香港網民就冇機會喇，咁《The Interview》又有冇機會喺香港上畫？八方聽聞專為Sony電影做香港發行嘅安樂電影，喺《The Interview》出事後，收到Sony方面通知，話呢部戲唔會喺亞洲發行，即係香港都冇得上喇，大家要睇就要等出碟喇！