郭富城昨平安夜再爆緋聞，R小姐爆料指城城搭上M字頭𡃁模，他的Instagram的而且確關注一些M字頭的𡃁模，當中有熟識的英皇小花衛詩雅（Michelle），至於圈中M字頭𡃁模有媽模陳靜儀（Mia），而先後與城城傳過緋聞的有葉熙琪、蔚雨芯和許雅婷（Kabby）。
Kabby昨強調與城城的緋聞已過氣：「我同佢唔熟，唔清楚佢係咪花弗，要問佢本人同佢身邊人先知。」有收過城城的情慾相嗎？Kabby搞笑說：「我唔係幸運兒。」會傳聖誕短訊問候嗎？她說：「我公開喺網上送祝福畀朋友，我都希望佢（城城）可以開心過節，拋開煩惱。」蔚雨芯昨在灣仔出席活動時說：「好耐冇搵佢（城城）啦。」她也強調沒收過城城的調情短訊。此外，衛詩雅昨指不認識城城：「我發現佢Ig關注我，我咪關注番呢位前輩。」她指自己絕非緋聞女主角：「我抗拒同圈中人發展㗎。」Mia昨透過助手回應：「我鍾意黎明同劉德華，城城唔係我喜歡嘅type。」
採訪：陳杰
